Is jy op soek na die perfekte gesinswegbreek wat ontspanning, avontuur en kindervriendelike avontuur kombineer? Net buite die oulike dorpie Parys in die pragtige Vrystaat vind jy Tava Lingwe, ’n bosveldjuweel wat die beste van bosveldavontuur bied met al die geriewe wat gesinne nodig het en kinder vriendelik is.

Geleë slegs 150 km vanaf Johannesburg in die Gauteng-provinsie, 65 km vanaf Potchefstroom, 100 km vanaf Klerksdorp in die Noordwes-provinsie, 35 km vanaf Parys en 65 km vanaf Bothaville in die Vrystaat, is hierdie unieke oord en kampeer terrein die perfekte naweekwegbreek vir gesinne wat wil ontlaai, ontspan en weer met die natuur verbind.

’n Veilige en Opwindende Bosveldervaring vir Kinders

Wat Tava Lingwe Game Lodge werklik besonders maak, is die fokus op ’n veilige, verwelkomende omgewing vir kinders, terwyl volwassenes steeds ’n unieke bosveldervaring kan geniet.

Begeleide Wildritte & Leeutoere
Spring op ’n begeleide wildsrit saam met ons bekwame gids en verken die bosveld met kundige gidse wat die ervaring opvoedkundig én opwindend maak. Die leeutoer wat by die wilsdrit ingesluit is, is ’n hoogtepunt en gee gesinne die kans om hierdie asemrowende diere van naby in ’n veilige en beheerde omgewing te sien. Dis ’n opwindende avontuur wat kinders (en ouers!) nie gou sal vergeet nie.

Eindelose Gesinsvriendelike Aktiwiteite

Of jou gesin nou van avontuur of ontspanning hou, Tava Lingwe bied iets vir almal:

Staproetes
Geniet rustige, kort natuurstappies wat geskik is vir alle ouderdomme. Hierdie staproetes bied die geleentheid om voëllewe raak te sien, die natuurskoon te waardeer en kwaliteit tyd saam buite deur te bring met pragtige sonsopkomste en sonsondergange.

Swem vir Alle Seisoene
• ’n Klein verhitte swembad vir genot regdeur die jaar.
• ’n Koue swembad vir warm Vrystaat-dae gedurende die somermaande.
• ’n Kinder swembad met  klein waterglybane vir veilige pret vir die kleintjies.

Mini-gholf/ Put put
Daag die gesin uit vir ’n vriendelike of mededingende potjie mini-gholf — perfek vir ligte kompetisie en baie pret.

Speeletjies kamer
Reënerige dag? Geen probleem nie. Die speeletjies kamer hou kinders besig en gelukkig met binnenshuise aktiwiteite soos ’n pooltafel, tafeltennis en tekenborde vir die kinders.

Gerief op die Perseel

Geen rede om te stres oor vergete noodsaaklikhede nie — Tava Lingwe het ’n klein winkeltjie op die perseel met basiese benodigdhede soos ys, hout, koeldrank, lekkers, sonbrandroom, insekweerder en meer.

Voel jy honger? Gaste kan heerlike ontbyte en ligte middagetes by die restaurant geniet, wat jou verblyf nóg meer ontspanne maak. Begin jou dag met ’n heerlike ontbyt voordat jy op ’n wildrit vertrek of by die swembad afkoel. Let wel: die restaurant is op Saterdae gesluit.

Kampeer of Lodge-Gerief — Baie om van te kies

Of jy verkies om onder die sterre te kampeer/ kamp met leeus wat in die agter grond brul, of die gerief van lodge-verblyf soos chalets en glampingtente — hierdie oord bied vir albei opsies. Word wakker met voëlsang, asem die vars bosveldlug in, en laat die kinders vry rondhardloop en fiets ry in ’n veilige omgewing wat met gesinne in gedagte ontwerp is en opgebou word.

Die Perfekte Naweekwegbreek

Met sy gerieflike ligging naby Johannesburg, Potchefstroom, Klerksdorp, Kroonstad en Sasolburg bied hierdie gesinsvriendelike oord en kamp terrein naby Parys die perfekte balans tussen avontuur, ontspanning en kwaliteit-gesinstyd, met hope aktiwiteite vir almal.

As jy op soek is na ’n bestemming en oord waar kinders vrylik kan speel, ouers kan ontspan en die hele gesin saam die skoonheid van die bosveld kan beleef — is Tava Lingwe in die Vrystaat die perfekte keuse.

Pak jou tasse, maak die gesin bymekaar en maak gereed om onvergeetlike herinneringe te skep in die hart van die Vrystaat by Tava Lingwe naby Parys.